مواجهه صريحه مع النفس

فى البدايه بالنسبه لاسم الموضوع فانا عاوزة وقفه صريحه مع النفس وبجد

على كل حاجه عملتها فى حياتك..موقف قابلته..قرار اخدته..عهد ابرمته

كل الحاجات دى وغيرها وغيرها

لكن انا هاهتم شويه بالجانب العاطفى

بمعنى ان كتير قوى من الناس حبت بجد ومن كل قلبها

فى ناس ربنا وفقها وفى ناس بقدرته برضه الموضوع ماكملش

ندمو على حاجات كتير وقررو الاعتزال عن الحب وحاجات غريبه كده

ليه كل ده..!!

الحب اعظم من انك تندم فى يوم على احساس انت حسيته

وليه اى حاجه بتحصل بتلوم الحب طيب مش ممكن يكون السبب منك او من الطرف الاخر

الحب عملكم ايه ...!!

اقولكم انا الحب عملكم ايه.....................

الحب خرج من جواكم مشاعر واحاسيس جميله قوى يمكن انتم حتى ماكنتوش تعرفو

انها جواكم

الحب خلاكم فوق السحاب اللى مش هاتوصلولها تانى من غيره

الحب خلاكم تشوفو بعيون قلبكم الناس

وتحسو بغيركم

وتعرفو يعنى ايه بحب..يعنى ايه بعشق..يعنى ايه غيره..يعنى ايه خوف

يعنى ايه..........................الخ

مهما اتكلمت مش هاقدر اقول كل الحاجات اللى وصلتلكم من الحب

اخيرا

ماتندمش على حاجه انت فى يوم من الايام حسيتها

حتى لو النهايه صعبه

كفايه انك حسيت حاجات وعرفت حاجات جواك كانت مستخبيه

لكن عرفتها عن طريقه

الحب يستحق منك كده

ويتطلب منك برضه انك تتذكر الانسان الى كان السبب فى معرفتك بالمشاعر دى

وخليك صريح مع نفسك

وماتقولش كرهت.....لانك مش هاتعرف

انت حتى لو حاولت تنسى الانسان ده

تأكد انك مش هاتقدر تكرهه

القلب اللى حب فى يوم مستحيل يعرف معنى واحد للكراهيه

الوحد مبيندمشع الحب يا ملاك

الواحد بيزعل ع اللحظات اللى ضاعت منه
ع الاحاسيس اللى حطها فى مكان غلط

بيزعل على انه دخل وخسر

خسر مشاعره اكنها صفقه وخسر فيها خساره فادحه

لكن مش هنقل اكتر من ان قدر الله وما شاء فعل

وانا متاكده ان اى شىء بييجى من ربن بيكون فى مصلحه الشخص حتى لو مكنش اشيف ده

شكرا على موضوعك الجميل

اختك

فجر

وانا معاكى فى كلامك لانها بجد اكبر خساره

لكن فكرى صح هاتلاقى انك عرفتى حاجات اجمل واجمل

حسيتى حاجات جميله ومشاعر صادقه

عرفتى ايه جواكى

وزى مابتقولى قدر الله وماشاء فعل

يبقى مانندمش على حاجه (صح كلامى؟ )

والشكر لكل من وصللنا الاحساس ده

مهما كانت النهايه

لانى زى ماقولت اللى بيحب عمره مابيكرة

ولا ايه يافجرورتى

ده اذا كان حب اساسا انا اكتشفت بعدها انه مكنش حب كان اى شىءتانى غير الحب يمكن تعود

وفعلا انتى وجهه نظرك كويسه

وحتى لو ندمنا هنعمل ايه بالندم

الندم هيخلينا نسترجع تانى اللحظات المؤلمه يبقى بلاش منه

بس يمكن ادم الشخص ده عرفنا بطريق حاجت حلوه بس برده انتى هتزعلى انك افتقديها

وهتعيشى من غير متحسيها لفتره من عمرك

ما تتكلمى انتى شويه عن نفسك فى الموضوع ده ؟؟؟؟؟؟

اختك

فجر

اتكلم عن نفسى

انا عن نفسى بصراحه ماجربتش الاحساس ده اصلا والحمد لله

لانى زى ماقولتلك انى مالقيتش حد بالمواصفات اللى انا عاوزاها

ودة من جانبى انا

لكن من ناحيه انى حسيت احساس الحب من شخص يعنى

فاأكيد ده حصل ومن ناس كتيره لكن اللى حسيت منهم انهم جادين

هما شخصين وبس

لكن انا..ماعتقدش انى ناويه اعيش احساس وانا مش عارفه ايه نهايته

ومتهيالى بيت اهلى موجود

ولا ايه يا فجر

وجميل قوى انك تحسى الحب من ناحيه شخص وعلى فكره

انا موضحه وجهه نظرى للانسان ده وهو احترمها جدا واقتنع

انه لو عاوزنى يتفضل عندنا

لانى مش ناويه اقول بحبك

غير مره واحده بس فى حياتى

ومش معنى كده انى رافضه الحب بالعكسانا موافقه عليه جدا

لكن لما احس انها بجد ومن انسان جاد

وانى اميل ليه

لكن بصراحه انا ماحدش لفت نظرى ولا عمرى مثلا شوفت واحد وقلت الله ده عسول

او انه شيك ولا الكلام ده

مش عارفه مافيش حاجه شدانى يعنى

بس فى مواقف بقى كتييييييير قوى حصلت معايا

خلتنى اقول ان الحب بقى اسهل من الثانويه العامه

وكلمه بقت سهله

علشان كده مش ناويه غير بجد

اتمنى انك تكونى فهمتينى

وفهمتى قصدى

وده مش نوع من انواع الكبريا

لكن انا مش ناويه اصلح حاجه اتكسرت فيا فى يوم من الايام

هاحافظ على نفسى كده

ايه رايك

مش زى العسل

؟؟

اه طبعا زى العسل والسكر كمان

انا معاكى فى كل كلمه قولتيها

بس الحب الحقيقى بييجى من غير ترتيب

ومش لازم الواحد لما يحب يقول بحبك لان ده احساس خصوصا البنت

واكيد هيكون جميل للما تحسى احساس تجاه شخص معين ويكون هو ده زوج المستقبل

اختك

فجر

والله موضوع لذيذ والتعليقات كمان الذ بجد

والالذ انك دخلت تعلق يا احمد والله

وطبعا ده بيكون من غير ترتيب يا فجر انا معاكى

لكن فى كنترول منك

صح؟