السلام عليكم

سلام عليكم ورحمه الله وبركاته

انا مش عارف ابدأ الموضوع منين بس هو الموضوع عن فكره جميله اوى ,انا سمعتها فى برنامج دينى حوالى من 3 سنين وكنت بعملها مع حد من اصحابى كل فتره وهى ثوابها كبير وان شاء الله احنا هناخد ثوابها اكبر ومع بعض,معظم الناس اخدت الاجازه معدا ناس قليله وبردو قربوا ان شاء الله وربنا معاهم,ايه رايك فى يومك؟؟بتقضيه ازاى؟اقولك انا؟؟نوووم وخروج ونت,صح؟ وبتحس بملل ومش بتحس براحه نفسيه ااوى من التكرار والملل والزهق ,طب ايه رأيك تعمل حاجه جديده؟؟الفكره هى اننا نحدد كل يوم نقرى كم معين من القران ونشجع بعض على القرأة لحد ما نختم القرأن ان شاء الله وناخد ثوابه كلنا مع بعض وكل حد هيشارك معانا,انا كنت بعملها زمان مع صاحب ليا كل اجازه من فتره ,والمره دى فكرت اننا لو عملناها هنا كلنا ان شاء الله هناخد ثواب اكبر وهنشجع بعض,انت اخر مره قريت قرأن امتى؟؟ مش فاكر ؟؟ او بتقرى كل فتره ,طب ايه رأيك اننا نتفق نقرى مع بعض كل يوم وده هيشجعنا كلنا اننا نبدأ ونقرى كل يوم مع بعض

انا هفكركم بثواب قرأة القرأن:
1- عن عبد الله بن مسعود رضي الله عنه قال : قال رسول الله صلى الله عليه وسلم : من قرأ حرفاً من كتاب الله فله به حسنةٌ ، والحسنةُ بعشر أمثالها ، لا أقول :الم حرفٌ ، ولكن الفٌ حرفٌ ولام حرف وميم حرف أخرجه الترمذي

2-عن عائشة رضي الله عنها قالت : قال رسول الله صلى الله عليه وسلم الذي يقرأ القرآن وهو ماهرٌ به مع السفرةِ البررةِ والذي يقرأ القرآن ويتتعتعُ فيه وهو عليه شاقٌ له آجران اخرجه مسلم

3-أبِي أمـَامـَة رضي اللهُ عنه قال : سـَمـِعتُ رَسول الله صلى الله عليه وسلم يقول" اقرؤوا القرآن فـَإنهُ يـَأتيِ يَومَ القِيامةِ شـَفيعاً لأصْحَابه " ـ رواه مسلم ـ

4-عنِ ابنِ عباس ٍ رضيَ الله عنهما قال : قال رسول ُ الله صلى الله عليه وسلم " إنَّ الَّـذي لـَيسَ في جـَوفهِ شـَيء من َ القرآن ِ كالبـَيْتِ الخـَرِبِ "ـ رواه الترمذي

شوفتوا ثواب قرأءة القرأن كبيره قد ايه؟ وكفايه الراحه النفسيه اللى ان شاء الله هتحس بيها باقى اليوم,ولو عندك حد مات وعزيز عليك ممكن تقرى الكميه اللى هنحددها مع بعض مرتين مره بنيت ليك انت ومره توهب ثواب القرأن للميت دى فتوى من احد العلماء عن القراءة للميت (أما قراءة القران على الميت بعد موته بقصد إيصال الثواب إليه: فقد أجازه كثير من العلماء، بشرط: أن يقصد قبل القراءة أن يقرأ للميت، وألا يأخذ مالا عليها.)

دلوقتى ايه المطلوب؟؟انا هعمل استفتاء عايزن نبدأ بايه ؟؟صفحتين ولا 3 ولا نص جزء كل يوم,انا من رائيى مش عايزن كمية كبيره عشان مش تحس ان كمية كبيره وبعدين هتكسل,انا هعمل الاستفتاء ده لمده 3 ايام يعنى انا هشوف الردود ومين الناس اللى ناويه تشترك معانا ان شاء الله وهشوف نتائج الاستفتاء ونبدأ ان شاء الله من يوم السبت بليل القرأة بس اهم حاجه الاخلاص فى النية لله عز وجل وان المشاركه معانا مجرد للتشجيع ليك ,انا الموضوع ده اتفقنا عليه انا و وسكايب بارتى ومستينى نشوف مين تانى يبدأ معانا وياريت اللى هيشترك معانا يكتب انا معاكم ان شاء الله ويعمل لنك للموضوع فى التوقيع بتاعو عشان كل اللى ميعرفش يعرف, وربنا يتقبل صالح الاعمال منا ومنكم ان شاء الله

--------------------
يالا نختم القران مع بعض ,شارك معانا




القرأن الكريم باعلى جوده مصاحف كاملة

لالالالالالالالالالا
دا انت طلعت جامد يا واد والله
وعجبانى اوى الصورة اللى فى الموضوع
والاحلى منها الاية اللى من سورة طة
مشكـــــــــــور يا غالى والى الامــــــــام

فكره جميله جدا والله بجد


انا حاولت اعملها كتير مع صحابى

بس فى الاخر استقريت ان انا اروح لمكتب تحفيظ قران

والحمد لله تمام التمام


انا بجد نفسى مكاتب تحفيظ القران تنتشر وخاصه الرجال لان المنتشر النساء


جزاك الله خيرا


انا معاك جدا فى الفكره دى


وعايزين نحدد كل يوم او المده اللى انتوا عايزينها جزءللقراءه واخر للحفظ


بجد ثواب عظيم جدا


بشكرك على اقتراحك الهاااااااااايل كده نبقى اخوات بجد وبنشجع بعض على طريق الهدايه ان شاءالله


اختك


فجر

بجد اقتراح هايل ويارب يكون فى ميزان حسناتك وبجد الموضوع كامل من كل النواحى والصورة اللى تحت بجد فظيعه وانا موافقه على الاقتراح دة.

ط عايزين نبتدى ناخد الخطوه الاولى

تحبوا نبدا من الاول ولا من الاخر

وبجد يا جماعه ناخد الموضوع بجد

حتى لو فى الدراسه القران هيعينا على امور الدنيا باذن الله


اختكم

فجر