الحمد لله وكفى وصلاة وسلاما على عباده الذين اصطفى ثم اما بعد ....
لو سألت واحد تعرف كام مغنى ؟ هيقولى بس كده وهيجيبلى من القديم ومن الجديد بأغانيهم
وأصحابهم وألوان عربياتهم وكل ما يتعلق عن هؤلاء المغنين ومش بس كده لا والاغنى الغربيه
كمان و بانواعها
ولو سألته كم عدد اصحاب رسول الله ؟ اجابته يا ترى هتكون زى اجابته على السؤال الاول
شامله كل حاجه عن الصحابه ولا لا
ولو سألت واحد وقلت له انت بتسمع اغانى ليه ؟ هيقولى ياعم الشيخ ساعة لقلبك وساعه لربك
اقوله لو خليت الساعتين لربك هتدخل النار ولا ربنا هيعذبك لو خليت الساعتين لربك يعنى ولا
كتير على ربنا الساعتين
ولا الساعة الى لربك دى ملهاش علاقه بقلبك
لما بينزل شريط جديد لمغنى بتعمله اعلانات من غير ما تحس وتعرف اصحابك ان شريطه الجديد
نزل السوق وتحب تشغله وتعلى الصوت علشان تعرف الناس انك جبت الشريط اول واحد سبحان
الله فيه ناس بتعمل كده بطريقه تانيه خالص ولهدف تانى خالص الناس بتتسابق علشان تذود كفة
الحسنات وتحاول تمحى السيئات وبتحاول تكسب محبة الرحمن وبتعمل نفس الاعلانات بس
للمشايخ وللعلماء وزى ما انت بتعمل اعلاناتك مجانا برضه هما بيعملوها مجانا بس الفارق انهم
اخدو حسنات وانت اخذت ايه يامسكين ؟؟؟
طب انت بتسمع قرأن زى ما بتسمع اغانى ؟ تعرف اسامى السور الموجودة فى القرأن زى ما
بتعرف تحفظ الاغانى بالمؤلف بالموزع بالشركه المنتجه بعدد الحفلات الي بيعملها المغنى ؟
مش احنا قدوتنا رسول الله طب ياترى كان رسول الله كان بيسمع اغانى ولا لا عوزك تدور
وتبحث ولا هات لى حديث واحد بس الرسول بيحث فيه على سماع الاغانى ويرغب فيها
او ممكن اوفر عليك المشوار واقول لك مكانش بيسمع اغانى ومش هتلاقى الحديث ده
وبصراحه الاغانى المنافس للقرأن فمع اى الفريقين تريد ان تكون انت ؟؟ فهل ترضى ان تنتصر
الاغانى على القرأن ؟؟
متى بكيت وانت تصلي ؟؟ كم عدد المرات التى صليت فيها الفجر فى جماعة فى يمين الصف
الاول ؟ هل لاحظت ان دعاءك لا يستجاب له ؟ كيف هى علاقتك بربك الذى خلق كل شيء؟؟
هل تتذكر كل يوم ان رسول الله قد مات وتبكى على فراق احب الناس الى قلوبنا ؟؟
هل تطبق سنة حبيبك رسول الله ؟؟
يا جماعة انا بأكلمكم كأخ فى الله خايف بجد عليكم والله ان ربك لشديد العقاب
طب حصل ايه لقلبك لما تقرأ سورة التكاثر
تعرف تقرأها بتدبر متفوتش ايه غير لما تبكى
..................................... بسم الله الرحمن الرحيم ...................................
أَلْهَاكُمُ التَّكَاثُرُ (1) حَتَّى زُرْتُمُ الْمَقَابِرَ (2) كَلَّا سَوْفَ تَعْلَمُونَ (3) ثُمَّ كَلَّا سَوْفَ تَعْلَمُونَ (4) كَلَّا لَوْ تَعْلَمُونَ عِلْمَ الْيَقِينِ (5) لَتَرَوُنَّ الْجَحِيمَ (6) ثُمَّ لَتَرَوُنَّهَا عَيْنَ الْيَقِينِ (7) ثُمَّ لَتُسْأَلُنَّ يَوْمَئِذٍ عَنِ النَّعِيمِ (
...........................................................................................................
والله كنت بشوف ناس بتسمع اغنيه حزينه بتيكى طب لو سمع القرأن ياترى كان هيبكى زى ما
كان بيبكى فى الاغانى
اريدكم ان تسمعوا لهذا الانشاد للقصيده العظيمه ليس الغريب ولاكن اسمعها بقلبك مش بأذنك
http://www.alafasy.com/audio/files/457.rmوفى الختام احب ان اقول ...
اتقوا الله عباد الله ولا تموتون الا وانتم مسلمون واتقوا الله اتقوا الله اتقوا الله ان الله كان عليكم رقيبا
اللهم قد بلغت اللهم فشهد
موضوع: مشكلة بجد مشكله 
الجمعة يونيو 29, 2007 9:57 pm
