موثف كوميدى

موضوع: موثف كوميدى السبت يونيو 16, 2007 10:59 am

انا هحكي موقف حصلي من فتره كده بس مش كبيره

انا اصلا من المنصوره وكنت في القاهره بزور صحابي هناك

كنت انا وابن عمي وكان معاه عربيته وبعدين احنا رايحين مع بعض

هو راح يزور واحد صاحبه وانا مش عارف صاحبه ده

فقولتله انا هاسيبك انا وهاروح اشووف صحابي انا كمان قالي ماشي وقالي اتصل بيا لما تخلص عشان اجي اجيبك

وانا رايح لصاحبي وكان في عباس العقاد وراكب الموواصلات وتمام التمام

ماكنش في المكيروباص غيري انا وواحده والسوااق

والواحده دي كانت ست تعملها بتاع 25 سنه

المهم راكبين والسواق بيقول الاجره فطلعت دفعت الاجره

والست الي جنبي بتطلع الاجره عشان تدفع

لقيتها مره واحده مسكت فيا وبتقوول الحقوني ويالهووي وويك ويك ويا ولود كذا ويا ولود كذا

وبتقول للسواق اطلع على قسم الشرطه بسرعه

انا استغربت وبقولها في ايه يا حجه انتي بتقولي وكمان مش عارف في ايه وبتستعبط

قولتلها بلاش قلة أدب في الكلام وقولي في ايه عشان ساعتها لو قليتي أدبك تاني مش هاتفرق معايا ست ولا راجل وهالطش في أمك

لقيتها بتحكي للسواق وبتقوله السلسله بتاعتي اتسررقت ومافيش حد جنبي غير الاستاذ ده وبتشاور عليا انا

قولتلها يعني انا قاعد جنبك وخلاص بقيت الساحر العجيب ومديت ايدي ناحية رقبتك وخدت السلسه
وده كله مش حاسه ، ايه يمه انتي فاقده الزمن ولا كان مغمن عليكي ساعتها

قالتلي ماليش دعووه ماهم كلهم ايدهم خفيفه ، وعماله تقول للسواق اطلع على قسم الشرطه والسواق ماصدق وطلع على قسم الشرطه

وانا بقول للسواق يعني دلوقتي هاتضيع وقتك وتروح القسم ماهو لو راجل اللي بيصرخ مش هاتعبر أهله ، والسواق مش عايز يرد محسسني انه رايح الملاهي مش رايح قسم الشرطه ، فالست دي مره واحده سخنت عليا وضربتني بالقلم وبتقولي طلع الدهب ، انا ساعتها لو واحد كان حط ايده على وشي كان اتلسع من النار اللي كنت فيها ، روحت قايلها انتي عارفه يا بنت ستين كذا انتي لو مش حرمه كنت اتفجرت في أهلك

وصلنا قسم الشرطه

ودخلنا على الظابط ولقيت الست دي بتقول للظابط سرقني يا باشا وخد السلسله بتاعتي والشنطه كان فيها فلوس ومش لاقياها والشنطه كان فيها دهب غير الفلووس ، رديت قولتلها وانا كنت راكب جنب على بابا

لقيت الظابط بيقولي انت كمان بتنكت وبتتكلم اصبر عليا

قولتله بص ، انا شكلي حرامي ؟؟

قالي الحراميه بقوو اغنياء البلد دلوقتي

قولتله مانت غني ، يعني ممكن واحد يقول عليك حرامي ولمواخذه يعني

قالي وريني بطاقتك ، طلعتله بطاقتي ولقاني في كلية
قالي مانت حلو أهو امال بتمد ايدك ليه على حاجات الناس

قولتله من الاخر انا لو عايز اعمل مشاكل كنت عملت اتصالات دلوقتي وطلعت نفسي من المشكله وكان ناس تانيه اكبر منك هاترد عليك

قالي انت بتهددني ولا ايه قولتله مش تهديد ولا حاجه بس انا ماعملتش اللي الست بتقول عليه

وانا مش شكلي حرامي وذا كنت انا شكلي حرامي فالناس كلها هاتبقى حراميه في نظر اللي زيك

رد عليا وقالي طيب اتكلم كويس عشان ماتندمش على اللي بتقوله

قولتله طيب أخر الحوار ايه ؟؟

قالي هانعمل محضر وهاتتحجز في الحجز قولتله ده في المشمش

ولقيته جايب كرسي للست وبيقعدها وجايبلها لموون ومظبطها يعني

وانا واقف وباكل في نفسي من الغيظ

وفتح المحضر وبياخد في اقوال الست دي وعمال تقوول حاجات قولت انا روحت في داهيه يعني روحت في داهيه

دي خلتني ولا رئيس عصابة مافيا

وبعدين الظابط بينده على العسكرري ، وأول ما العسكري دخل لقيته بيقول هي الست دي جت هنا تاني ليه

رد عليه الظابط قاله في يه يا عسكري قاله يا باشا الست دي كانت هنا امبارح وكانت جايه تعمل محضر عن واحد سرق منها الدهب بتاعها

روحت ضاحك بصوت عالي وقولت للظابط مش قولتلك انا ماعملتش حاجه من اللي بتقول عليه الست دي

فالظابط بيسال الست وبيقولها انتي كنتي هنا امبارح قالتله ايوه يا باشا دهبي اتسرق امبارح برضو وجيت اعمل محضر

رد الظابط عليها برد حلوو اووي ووحش اووي في نفس الوقت وقالها اسلووب اعتراض من الشباب عارفه ، قالها هو انتي دهبك كل يوم يتسرق منك ليه بروح أهلك كان على بابا من بقية اهلك

ضحكت ورديت على الظابط قولتله انا قولتلها نفس الجمله في الميكروبااص لووول

فالعسكري بياخد الست دي عشان يوديها الحجز فقولت للظابط بعد اذنك يا باشا انا نسيت اقول حاجه

ان الست دي ضربتني بالقلم وانا في الميكروباص وانا عايز حقي منها

قالي يعني عايز ايه قولتله يعني عايز ارد القلم اللي انا اضربته

قالي حقك بس مش في القسم قولتله معلش يا باشا انا لو ماضربتهاش القلم ده مش هاعرف ولا أكل ولا اشرب ولا أنام

قالي ماشي بس من غير ماتحكي بره ايه اللي حصل

قولتله ماشي يا باشا اللي انت عايزه هاعمله بس أهم حاجه اضربها القلم بنت الجزمه دي لوول

قالي ماشي اتفضل اضربها

اتعزمت بقى ورفعت ايدي وعلى اخر ما عندي ولسه بضربها القلم شوفتو ايه اللي حصل

هاقولكو ايه اللي حصل

اصل اللي حصل حاجه مش عاديه وماحدش فيكو يتخيل ايه اللي حصل اصلا

لقيت امي بتصحيني من النوم وبتقولي غطي نفسك انت نمت من غير ماتغطي نفسك

لووووووووووووووووووووووووووووووووووووووووووووووووو وووووووول

اشرب يا معلم انت وهي

موضوع على فشوش لوووووووووووووووووووووووووووول

موضوع: رد: موثف كوميدى السبت يونيو 16, 2007 1:30 pm

ههههههههههههههههههههههه داانا كنت صدقت .

موضوع: رد: موثف كوميدى السبت يونيو 16, 2007 1:58 pm

هههههههههههههههههههههههههههههههههههههههههههه هههههههههههههههههههههههههههههههههه
والله جامدة بس انا عارف من الاول ان هيا اشتغالة وكنت هقولك غطيها كويس وانت ناييم Razz

موضوع: رد: موثف كوميدى الأحد يونيو 17, 2007 7:16 am

أأأأأأأأأأأأأأأأأة يا دزمــــة

دا انا كنت صدقت فعــــــــــــــــــلا

موضوع: رد: موثف كوميدى الخميس يونيو 21, 2007 1:20 pm

يا نهارك مدحوش

بعد ده كله

انا عينى دمعت من كتر القرايه

حرام عليك بجد

يشلك ربنا هههههههههههههههههههههههههههههه

حرام عليك

ده انا صدقت

هههههههههههههههههههههههههههههههههههههههههههه

بس انا عندى ملحوظه هو اللى تبقى عندها 25 تبقى ست ده انا على كده قربت اعجز فى اخر ايامى يعنى

لا بجد انا مش هسامح نفسى ان انا صبرت لعى ده كله

هههههههههههههههههههههههههههههههههههههههههههههههههههههههههههههههههههههه

عينى ورمت وف الاخر حلم

ع العموم شكرا يا عم

والحمد لله انه حلم

اختك

فجر