ابطــال الحــدوتة
محصل النور .....ست بيت شاطرة
محصل "النور " يلوح بفاتورة استهلاك " الكهرباء"لربه منزل التصدرة باب شقتها و هى منزعجه , فيطمنها بقوله :
"عليكى نور يا حاجه "
و ترد عليه باستحاء : دا بس من اصلك يا ابنى !
فيكرر التلويح بالفاتورة الاستهلاك قائلا : "عليكى نور يا ست "
لتجيبه باريحيه : الهى يسترك يا باشا !!!
و يعاود هز الفاتورة ملوحا بها و مفسرا مراده ببطء
يا ستى عليكى نور !! فتسارع بنرفزة مصطنعه يا خويا ربنا يكرمك !!
و يتوالى الحوار بين محصل النور و بين ربه المنزل
عليكى نور يا هانم
ينور عليك ربنا !
" متحفزا" عليكى نور
" فى استعباط " متشكرة جداااا خالص
" مصمما" عليكى نور
فى سعاده ممنونه منك يالافندى !!
مغتاظا ... علييييييييكى نور
فى انشراح يسعدك المولى يا ذوق !!
فى عصبيه عليكى نور
فى انشراح يجعلك فى كل خطوه سلام
" مهتاجا اندهيلى سلامه " يدفعلى الفتورة"
موضحا بصوت عال مبحوح عليكو نووووووووووووووووور
" متخابثه " يه مش تقول كده من الصبح ينيلك محصل
موضوع: وحـــدة بتستهبل.!!!!!!!!!!!!!!!!!! 
الأحد يونيو 10, 2007 1:00 pm
